نصيحه عن المرسيدس

#6

السلام عليكم و رحمة الله و بركاته

بالنسبه لوارد ألمانيا و وارد اليابان ... كل منهم له سلبياته و ايجابياته

من ناحية النظافة وارد اليابان أنظف مرسدسات ممكن تحصلها في السوق ... بعضها يجي مثل الجديد بالضبط

وارد ألمانيا ... أفضل بكثييييير من ناحية المواصفات ... المواصفات الالمانيه ما لها مثيل ... وارد اليابان له حدود في المواصفات ... ما يتعداها ... و لو قدرت تحصل ألماني كامل المواصفات و نظافته قريبه من نظافة اليابان يصير كلاااااااام كبيييييييييييييييييييييييير

أفضل موديلات هي 90 و 91 ... و لو أخذت موديلات أقدم بتحتاج بعض التعديلات

وارد اليابان كله يجي دركسونه يسار ... و لا يحول أبداً ... فحصت أكثر من 8 مرسدسات و كلها غير محول دركسونها ... من هالناحية تطمن

قبل ما تشتري السياره ... افحصها فحص شااااااااااااااااااامل جداً .... افحص كل التفاصيل فيها

و أهم شيء تفحصه هو الامور التاليه :

موزع البنزين + البخاخات
نظام التبريد ..... الرديتر + حساس المروحه + البلف
التعليق ((اذا كان هيدروليكي تأكد المساعدات سليمه و ان الهيدروليك شغال )) و اذا كان ملغي النظام الهيدروليكي فانشب لراعيه و خله ينقص من قيمة السياره
تأكد ان الامور الكهربائيه كلها شغاله فيه مثل :
مساحات الشمعات
مثبت السرعه
اذا كان القير فيه وضعية Sport و Economic تأكد انها تشتغل
تأكد من المراتب انها تتحرك و لا فيها أي مشكله + تأكد من الذاكره
تأكد من فتحة السقف
تأكد ان السياره على السرعات العاليه ما تدخل صوت هواء

أي خلل تلاحظه في السياره حتى لو كان في المراتب يعني قطع في المراتب أو كسر في الديكورات الداخليه ... خل راعي السياره يصلحه أو نقص من قيمة السياره قيمة الاصلاح

يعني باختصااااااااااااااار حلل السياره فحص و لا تاخذها الا و انت متأكد من سلامتها بالذات أول النقاط اللي ذكرتها

من ناحية قطع الغيار .... قطع غيار السياره مليانه في كل المحلات

و أخيراً افحص الكفرات و لا بد تغيرها اذا كانت الكفرات ما تغيرت من يوم جا من اليابان ... لازم تغيرها و الله لو تكون الكفرات بزرعها

و الله يوفقك

اشكرك على الموضوع الجميل يا أخ الخاطر الشمالي
مــــع تـ ح ـيات :...أبو عمر الهزيمي

موضوع: رد الثلاثاء أبريل 28, 2009 6:40 pm

يعطيكــــ العافيه على الموضوع