قصيدة عن الكبسة

ياماحلا الرّز البخاري على الجوع **** لاصار مع بيبسي على حزّة النوم

وإن كان مع شطّه , ترا الهرج ممنوع **** اضرب بيمنى ,, ماتبي عرف وعلوم

خلك ذهينٍ واتبع الرز متبوع **** من كل جرجير على الجوع مهضوم

واليا انتصف بطنك عطه نصّ قرطوع **** خلّه يهضّم .. ماخلق بطن معصوم

ثم واصل الرحلة ترى الرز دلّــوع **** لا ترحمه ياكود من كرشتك يوم

وان كان به تفاح مع موز موضوع **** والبرتكان اشكال والوان ووسوم

شمّر ذراعك واضربه ضرب مسموع **** لا تلتفت لو جاك من عاذلك لوم

وترى الجلي له ذوق من نوع عن نوع **** لا تاكل الا راقي الذوق معلوم

واليا شبعت وصرت ماتشكي الجوع **** برّأد شاهي عقبه الراس محكوم